අද උදේම ගියා ඡන්දෙ දාන්න, අම්මයි තාත්තයි එක්ක. ඡන්ද මධ්යස්ථානය ගාල්ල, හපුගල අපේගම ප්රජා ශාලාව. තාත්ත ඉදිරිපත් කරේ රියදුරු බලපත්රය (dual purpose). ඒක බලල එතන හිටපු මහත්මිය ඒක කල් ඉකුත් වෙලාද බලනවා. ඊට පස්සෙ උප ස්ථානාධිපති ඒක ස්ථානාධිපතිට ගිහින් දුන්න. ඒක බලල ඒ මිනිහා කියනව ඒක expire වෙලාලු. ඊට පස්සෙ තාත්තා කිව්වා මේක dual purpose license එකක්, ඒක නිසා මේක කොහොමද expire වෙන්නෙ කියල. ඒත් මේ මිනිහා කියනව මේක expire වෙලා, ඒක නිසා ඡන්දෙ දාන්න දෙන්න බැරිලු. ඊළඟට ඇහුවා NIC එක නැද්ද කියල. තාත්ත කිව්වා NIC එක නම් නෑ රාජකාරි හැඳුනුම්පත නම් තියෙනව කියල. රාජකාරි හැඳුනුම්පතෙන් ඡන්දෙ දාන්න දෙන්න බැරිලු. (ඒ අතරෙ මම ඡන්දෙ දාල එළියට ආවා, අම්මා තාම පෝළිමේ) ඒ පාර ස්ථානාධිපති එතන හිටපු මිනිස්සුන්ගෙන් (රාජකාරි සඳහා හිටපු) අහනව මෙයා ඡන්දෙ දානවට කවුරුවත් විරුද්ධද කියල. ඒ පාර තාත්තට කේන්ති ගියා.
තාත්තා : ඔබතුමා කොහොමද මට ඡන්දෙ දාන්නද එපාද කියල මේ මිනිස්සුන්ගෙන් අහන්නෙ, මේක මගේ ප්රජා අයිතියක්.
(තාත්ත ඊට පස්සෙ රියදුරු බලපත්රය බැලුවා)
තාත්තා : ඔබතුමා මට පෙන්නන්න මේකෙ කොහේද expire date එකක් තියෙන්නෙ කියල.
(ස්ථානාධිපති ඔහුගේ රියදුරු බලපත්රය පෙන්නන් හදනව)
ස්ථානාධිපති : මේ බලන්න…
තාත්තා : නෑ නෑ මට ඔයාගෙ එකෙන් වැඩක් නෑ. මෙතන ප්රශ්ණෙ තියෙන්නෙ මගේ license එකේනේ. ඔබතුමා මට පෙන්නන්න මේකෙ කොහේද expire date එකක් තියෙන්නෙ කියල.
ස්ථානාධිපති : සමාවෙන්න මහත්තය අපි අතින් වැරදීමක් වුණේ.
(license එකේ තියෙන්නෙ Date of issue)
ඊට පස්සෙ තාත්තා පාරටත් ඇහෙන්න අර මිනිහට බැන්න. එතන තව ඡන්ද දායකයො හිටිය, රාජකාරි සඳහා ආපු මිනිස්සු හිටියා, පොලිසියේ මහත්වරු හිටිය. තාත්තා අර මිනිහට බනින වෙලාවෙ ඒ කවුරුවත් මොනවත් කිව්වෙ නෑ. කියන්න බෑ නේ. වැරැද්ද අර මිනිහගෙනේ. මිනිස්සු අතින් වැරදි වෙනව ඒක ඇත්ත. ඒත් අර මිනිහා ස්ථිරවම කිව්වෙ licence එක expire වෙලා කිව්වා, එක පාරක් නෙවේ දෙපාරක්ම.
තාත්තා : ඔබතුමාට ඉංග්රීසි බැරිනම් ඉගෙනගෙන එන්න, සිංහල බැරිනම් සිංහලත් ඉගෙනගන්න, නැත්නම් මේ වාගේ රාජකාරි වලට නෑවිත් ඉන්න, ඔබතුමා උත්සහ කරේ මගේ ප්රජා අයිතියක් අහෝසි කරන්න.
ස්ථානාධිපති : නෑ මහත්තයො. මම කවදාවත් එහෙම කරන මිනිහෙක් නෙවේ. මම උත්සහ කරන්නෙ කොහොමහරි මිනිස්සුන්ට ඡන්දෙ දාන්න දෙන්න.
(ඒ උත්සාහය මම සියැසින් දැක්කෙමි. ඒ ගැන කතා අවශ්ය නැත.)
තාත්තා : කතා කරන්නෙපා. මට ඔබතුමාගෙ සම්පූර්ණ නමයි, රාජකාරි ලිපිනයයි, පුද්ගලික ලිපිනයයි දෙන්න
තාත්ත ඒ මිනිහගෙ විස්තර ඔක්කොම ඉල්ල ගත්ත. අපේ තාත්තත් 1989 ඉදන් මැතිවරණ රාජකාරි කරල තියෙනව. ඒක නිසා තාත්ත මැතිවරණය සම්බන්ධ නීති රීති ගැන දැනුවත්.
තාත්ත රජයේ රැකියාවක් කරන ගමේ වැදගත් විදියට ජීවත්වෙන මනුස්සයෙක්. එහෙම මනුස්සයෙක් expire වෙච්ච driving license එකකින් ඡන්දෙ දාන්න ආව කියල කිව්වොත්. අනිත් තව කෙනෙකුට ඔය කතාව කිව්වොත් ඒ මනුස්සය කරබාගෙන ඡන්දය නොදා යන්නත් ඉඩ තියෙනව. එහෙම බැලුවොත් මේක තනිකරම ප්රජා අයිතිය අහෝසි කිරීමක්.
මේ වගේ හාල්පාරුවො හින්ද තමයි මේ රට දියුණු කරන්න බැරි.
(මේ post එක ලියන්නෙ ටිකක් ලේ රත් වුණු වෙලාවක, ඒක නිසා වාක්ය නොගැළපීම් රළු වචන එහෙම තියෙන්න පුළුවන්, ගණන් ගන්න එපා)
ජනවාරි 26th, 2010 at 4:37 පෙ.ව.
ඔය වගේ උන්ට කෙලවන්නමයි ඕනේ….නිකන් අත හැරලා දාන්න එපා….
ජනවාරි 26th, 2010 at 4:45 පෙ.ව.
අයියා රිච්මන්ඩ් එකේ ද?
ජනවාරි 26th, 2010 at 6:21 පෙ.ව.
එල එල මස්සිනා 🙂
ඔහොම යන් ඔහොම යන්
ජනවාරි 26th, 2010 at 6:46 පෙ.ව.
haha. thanks for sharing.
ජනවාරි 26th, 2010 at 6:54 පෙ.ව.
අනිවා පැමිණිලි කරන්නම අවශ්යයි.
මේ වගේ වෙලාවට සිදුවන අපහසුතාවය ආයේ කියන්න දෙයක් නැ.
ජනවාරි 26th, 2010 at 7:26 පෙ.ව.
ඔබේ පියා ක්රියා කල ආකාරය නිවැරදියි.
සාමාන්යයෙන් ජ්යෙෂ්ඨ ඡන්ද ස්ථානාධිපති (SPO) වෙන්නේ දැනුම් තේරුම් තියෙන පලපුරුදු රාජ්ය නිලධාරියෙක්. මේ පුද්ගලයා එහෙම පලපුරුද්දක් නැති කෙනෙක් වෙන්න ඇති.
මේ පිලිබඳව මැතිවරණ දෙපාර්තමේන්තුවට පැමිණිලි කිරීම වැදගත්.
ජනවාරි 26th, 2010 at 11:10 පෙ.ව.
weradeemak wenna ethi. minissunta ehenna banapu eka echchara honda na kiyala hithenawa. kauru unath manussayek ne.
ජනවාරි 26th, 2010 at 1:26 ප.ව.
මේක ඇත්තටම වැරැද්දක් තමයි. ඒක පැහැදිලිව තේරැම් කල නිසා හොඳයි. සාමාන්යයෙන් ඔය ස්ථාන භාර නිලධාරින් ඡන්දෙ දවසෙ ඔළුව ගිණි අරන් ඉන්නෙ. අනික ඇතැම් අය ඒ රාජකාරිය කරන පළමු අවස්ථාව සහ ඒ වගේ අවස්ථාවක් උදා වුණ පලමු අවස්ථාව වෙන්න පුළුවන්. සාමාන්යයෙන් නම් කල් ඉකුත් වන දිනයක් අදාල වෙන්නෙ නැහැ මම දන්න තරමින්. රියදුරු බලපත්රයේ තියෙන හැඳුනුම්පත් අංකය සහ නාම ලේඛණයේ අංක ගැලපෙනවා නම් ඡන්ද පත්රිකාවක් ලැබීමට සුදුසුකම් තියෙනවා.
මේක ඇත්තටම වැරදීමක් කියන්නෙ සාමාන්යයෙන් ඡන්ද පොල නිලධාරීන් හැකි තරම් මිනිස්සුන්ට ඡන්දය ප්රකාශ කරන්න අවස්ථාව දෙන නිසයි. මොකද ඔය ගෙදරට එන ඡන්ද පත්රිකා වලත් සෑහෙන්න වැරදි තියෙනවා. ඒව ගැන බැළුවොත් රටේ වලංගු ඡන්ද හිමියන් හතරෙන් එකකට ඡන්ද දාන්න වෙන්නෙ නෑ.
ජනවාරි 26th, 2010 at 3:28 ප.ව.
අපෝ ඔව්, ගෙදරට එන ඒවායේ නම් ගොඩක් අවුල් තියනවා. මගේ යාලුවෙක්ට ආපු එකේ මිනිහගේ නමත් වැරදියි(නමට අළුතෙන් කෑල්ලක් එකතු වෙලා !!), NIC අංකෙත් වැරදියි. ගමේ ඡන්ද මධ්යස්ථානයේ කට්ටියම මිනිහව අඳුනන හංදා හොදයි ඉතිං !!
ජනවාරි 27th, 2010 at 5:17 ප.ව.
@Saman Rathnayaka, සන්දීප, B.I*, ඩනිෂ්ක, ඉන්දරේ
මේ පිළිබඳව මැතිවරණ කොමසාරිස්ට සහ සහකාර මැතිවරණ කොමසාරිස්ට පැමිණිලි කලා
@express
ඔව් මල්ලි
@lakpriya, mama, ඉෂාන් තිළිණ
ඔබලාගේ අදහස් දැක්වීම පිළිබඳව ස්තුතියි
ජනවාරි 28th, 2010 at 2:35 පෙ.ව.
අයියේ සිංහල බ්ලොග්කරණයේදී හමුවීම සතුටක්.මමත් රිච්මන්ඩ් එකේ.අයියා මොන පන්තියේද?
ජනවාරි 28th, 2010 at 2:41 පෙ.ව.
@expree
එළ එළ. මම 2007 A/L. දැන් පාසල් කාලෙ ඉවරයි.
ජූලි 22nd, 2010 at 4:50 ප.ව.
keep up your good work macho…even the CSE people may not have such a vast knowledge abt linux and othe FOSS stuff…Gud luck…
ජූලි 22nd, 2010 at 5:30 ප.ව.
thanks mch